اى الهيئات القضائيه افضل

كاتب الموضوع رسالة
hitmanamr

راجع نشيط

لو سئلت كل واحد اه هى افضل هيئه قضائيه تتمنى دخولها وتحلم بيها
لو قلت لك رتب لى الهيئات القضائيه فى وجهه نظرك مع ذلك سبب هذا الترتيب
االموضوع ده هيكون خلاصه خبره وتجارب الاعضاء الكبارلكى نستفيد نحن بها ونتعلم
والهيئات المراد ترتبها ومقارنتها هى
1-النيابه العامه
2-النيابه الادريه
3-مجلس الدوله
4- هيئه قضايا الدوله
وياريت الترتيب والمقارنه مبعيار موضوعى مع ذكر السبب
ارجوا من الجميع الدخول وأبداء رايه
ورنا يكرمنا كلنا بالتعين

بسبب ان انا والحمد لله عضو باحد الهيئات القضائية فانا مش هقدر ارتب لكن انا هقدر بكل موضوعية اقول مزايا وعيوب كل هيئة .

اولا النيابة العامة
هى اكثر الهيئات القضائية شهرة لعموم الناس والناس كلها تعرف النيابة العامة والقضاه
واهم مميزاتها وفقا لاراء البعض بالطبع ما لها من سلطة على افرادالشرطة وبالتالى على جمهور الناس من خلال القمع البوليسى وسلطة الحبس المخولة لوكيل النيابة العامة ثانيا الحصانة الكاملة التى يتمتع بها عضو النيابة العامة والتى تمنع اى سلطة كانت التعرض له الا بأذن من النائب العام طبعا المرتب الى حد ما بالنسبة للوظائف الحكومية فهو احد مميزات النيابة العامة وكذا الوضع الاجتماعى لوكيل النيابة العامة وثانى اهم ميزة ومن وجهة نظرة هى الاهم على الاطلاق هى فرصة اعضاء النيابة العامة والقضاء فى تقلد المناصب مثل مساعدى الوزير بل والوزير شخصيا وكذا الندب والاعارة التى تتوفر لاعضاء النيابة العامة والقضاء بكثرة .
وتكمن اهم عيوب النيابة العامة فى ان التفتيش القضائى عليهم فى غاية القسوة ثم نظان النبطشيات حيث انك يعتبر لا تدخل بيتك الا حوالى 8 ساعات يوميا بغرض النوم طبعا لا اكثر ولا اقل والعارضات فى النيابة العامة والاجازات تكاد تكون بصعوبة والشغل فى النيابة العامة فى غاية القسوة والكثرة هذا بخلاف اهو عيب فيها وهو جسامة الضرر الذى يصيب الناس ان قصرت فى اداء عملك او اخطأت فى فهم واقعة معينة واصدرت قرار خاطئ ...... وهذا لمن ينطبق عليهم انهم يخافون الله ..... هذا بخلاف ما يشوب عمل النيابة العامة من شبهة وفقا لبعض الاراء نظرا لتطبيقهم قانون يمنه تطبيق الحدود الشرعية .


انتظرونى فى تفنيد باقى العيئات عن قريب ان شاء الله

النيابة الادارية
هى اشبه الهيئات للنيابة العامة
طبيعة عملها هو التحقيق مع الموظفين بالجهاز الادارى للدولة ويوجد بعض الفئات التى لا تخضع لرقابة النيابة الادارية مثل العاملين بالمؤسسات الصحفية الكبرى واعضاء هيئة التدريس الذين ينطبق عليهم قانون اعضاء هيئة التدريس (( لان هناك من لا ينطبق عليهم هذا القانون )) .

ننيزات النيابة الادارية :-
هى اخف الهيئات القضائية عملا
فطبيعةعملها سهلة جدااااااااااااا كل اللى فيها تحقيق سين جيم وفى الاخر بتكتب مذكرة التصرف بتاعتك وهى زى حكم المحكمة بالظبط يعنى وقائع واسباب وقرار فى الاخر .
نرتبها طبعا ممتاز _ مرتب اعضاء الهيئات القضائية كلهم متساوى _ . فمثلا اذا قرر مجلس القضاء الاعلى مكافأة عشرة جنيه مثلا فان هذا القرار يسرى على اعضاء مجلس الدولة وهيئة قضايا الدولة وهيئة النيابة الادارية .
التفتيش الفنى على الاعضء هو ليس ميزة ولكنه فى جميع الاحوال اسهل من النيابة العامة (( ويأتى اخفهم على الاطلاق تفتيش مجلس الدولة ))
- الحصانة التى يتمتع بها عضو النيابة الادارية :-
هو له حصانة ولكنها غير كامله حيث ان القانون قرر حصانة لعضو هيئة النيابة الادارية وهيئة قضايا الدولة ولا يجوز القبض عليه او تفتيشه او رفع قضية جنائية ضده الا بموافقة المحامى العام المختص
- واخيرا اهم ميزة من مميزات النيابة الادارية هى الالفة بين الاعضاء بمعنى انك فى النيابة العامة لا تستطيع الوقوف امام رئيس النيابة من غير ما تربط كرفاتتك عدل ومتقعدش غير لما يقولك والبروتوكول هناك فظييييييييييييييييع على عكس النيابة الادارية ففيه الفه جامدة جدا بينك وبين حتى مدير النيابة اللى هو بدرجة نائب نقض (( تخيل بقى ))
- وفيه ميزة اخيرة نسيت اقولها النيابة الادارية احسن هيئة لضعاف النفوس ممكن من خلالها يعملوا احخسن مصالح نظرا لما يمتلكوه من سلطة على مسئولى الوزارات بشتى انواعها خيث ان للنيابة الادارية سلطة التحقيق مع مساعدة الوزراء الى هما بدرجة وكيل اول وزارة .


عيوب العمل بهيئة النيابة الادارية

عيوب النيابة الادارية
اولا عيوب من ناحية الشغل ذاته
1- صعوبة فى استدعاء الشهود - اى نعم القانون مديك الحق انك تعمل ضبط واحضار للشاهد لكن القانون اشترط مونفقة مدير النيابة الا ان الاخير بدوره يرفض الموافقة على ضبط الشاهد واحضاره على ستد من القول انه غير متهم وغير مجرم
2- الشغل كله روتينى الى حد ما الاسئلة متكررة ونمطية الاجابات معروفة الروتين الحكومى مخليك رغم تفاهة الموضوع ممكن تحقق فى القضية سنة وفى الاخر تلاقى المخالفة قينتها خمسين قرش ههههههه وممكن متلاقيش نخالفة خالص وتحفظ فى الاخر .
3- الاطلاع فى النيابة الادارية بسيط هما كام قانون هتحتاج تعرفهم ومش هتشتغل فى اى حاجة خالص غير كده بمعنى اخر الملكة القانونية عندك هتبقى محدودة ( ةده طبعا لو ربنا كرمك ولقيت واسطة علشان تنتدب فى حتة او تطلع اعارة )
4- طبعا الانتداب والاعارة بيجى فى المرحلة التالتة بعد مجلس الدولة اولا ثم النيابة العامة والقضاء
5- طبعا ملكش سلطة بوليسية مطلقا (( وده للناس اللى غاوية فشخرة )) .

تقدر تقول فى الممل الفرق بينها وبين النيابة العامة فقط المظاهر الخداعة التى تخدع الناس .

اااااااااااااااااااااااااااااااااااااااااااااااااه نسيت اقول ميزة من الميزات .
العمل فى النيابة الادارية غالبا بيكون 3 ايام فى الاسبوع من الساعة 10 صباحاا وحتى 3 عصرا وطبعا لو مدير النيابة متساهل ممكن متجيش خالص ههههههههه .


احب اخد رأى الاعضاء لغايت دلوقتى بين مؤسد لكلامى او معارض او مستفسر