الدرس انتهى لموا الكراريس

قصيدة صلاح جاهين

وكتب صلاح جاهين رائعته ( الدرس انتهى لموا الكراريس )مسجلاً تلك المجزرة في ذاكرة الشعر العربي والأغنية العربية ولحنها الموسيقار سيد مكاوي ليحملها صوت الفنانة شادية :
الدرس انتهى لموا الكراريس
بالدم اللى على ورقهم سال
في قصر الامم المتحدة
مسابقة لرسوم الاطفال
ايه رايك في البقع الحمرا
يا ضمير العالم يا عزيزى
دى لطفلة مصرية سمرا
كانت من اشطر تلاميذى
دمها راسم زهرة
راسم راية ثورة
راسم وجه مؤامرة
راسم خلق جبارة
راسم نار
راسم عار
ع الصهيونية والاستعمار
والدنيا اللى عليهم صابرة
وساكتة على فعل الاباليس
الدرس انتهى
لموا الكراريس
ايه رأى رجال الفكر الحر
في الفكرة دى المنقوشة بالدم
من طفل فقير مولود في المر
لكن كان حلو ضحوك الفم
دم الطفل الفلاح
راسم شمس الصباح
راسم شجرة تفاح
في جناين الاصلاح
راسم تمساح
بالف جناح
في دنيا مليانة بالاشباح
لكنها قلبها مرتاح
وساكتة على فعل الاباليس
انتهى الدرس
لموا الكراريس
ايه رايك ياشعب ياعربى
ايه رايك يا شعب الاحرار
دم الاطفال جايلك يحبى
يقول انتقموا من الاشرار
ويسيل ع الاوراق
يتهجى الأسماء
ويطالب الاباء
بالثأر للابناء
ويرسم سيف
يهد الزيف
ويلمع لمعة شمس الصيف
في دنيا فيها النور بقى طيف
وساكتة على فعل الاباليس
الدرس انتهى
لموا الكراريس

تعليق بسيط
الدرس عمرة ماانتهى

مازال فى مصر واسرائيل

احترس واصحى يامحمد وانت كمان ياشنودة

» العريان: مصر دخلت مرحلة جديدة تنهي أي أمل لأرامل مبارك وأيتامه.. انتهى الدرس الأول
» "طلعت مصطفى": الطعن على عقد "مدينتى" القديم انتهى
» تقرير أمني داخلي لحزب الله : النظام السوري انتهى
» عجلان يحذر من التعدى على أملاك الدولة بمنطقة "حوض الدرس" بمحافظة السويس