حضرة المرحوم - بإذن الله- سيد بلال

حضرة المرحوم - بإذن الله- سيد بلال

بقلم الأخ / خالد الشافعى بارك الله فيه

حضرة المرحوم - بإذن الله- سيد بلال

حضرة ضحية مشروع الصليب ضد الهلال

فى الحقيقة باعترف إنى جبان

خايف ومرعوب من قوة السجان

سيد بلال : خلينى أقولك إنك وراك عيال

ماتت شهامتهم ورجولتهم من زمان

صعب الكلام ده ؟ ، مرة الحقيقة ؟

لكن الحقيقة أهو دا اللى كان !!

سيد بلال أنا واحد من كدابين الزفة

ممكن أجعجع : أكتب مقال : أخطب لى خطبة

وساعة الحقيقة أستاذ فى خطة الزوغان

يا سيد سيد بلال عوضك على الله فى أخوة الإسلام

تسألنى فين الرجال ؟

البعض ماتوا ، والبعض ضاعوا !

والبعض باعوا رخيص حور الجنان!

صورتك وانت ميت بتضحك بتهدنى هد

بتقولى آن يا جبان خلاص آوان الجد

خلى جسور العبور للخلاص تتمد ، آن الآوان

بشوف في صورتك مع إبنك

نفسى مع إبنى فى لحظة الروقان

صورتك يا سيد طيرت النوم من عينيا ،

سامعك طول النهار والليل بتنده عليا

ذنبى إيه ؟ قتلونى ليه ؟

وأنا إنسان مسالم حتى أسألوا عنى الجيران

ياعم سيد اللى زيي وزيك مالوش حق السؤال

يمين يمين ، شمال شمال ، ذل وهوان

موتك دبحنى ، موتك مسحنى ،

صحى الحقيقة العاصية على النسيان

موتك جريمة ، فظيعة وأليمة ، جديدة وقديمة ،

ومع ذلك رفضى ضعيف بهتان

أطمن يا سيد : تارك فى علم الواحد الديان

سبحانه عالم بعملة السجان

ولحظة ما ييجى قضاه يا ويله من لحظة الأَخَدان

قول للى قتل سيد وغير سيد

خدلك يومين ، خدلك ثلاثة

غفلة مهما طولت

مسيرها جاية لحظة الفوقان

كل حاجة عليك متسجلة

والمحاكمة ماعمرهاش متأجلة

بس كل حاجة بوقتها ،

تقل ميزانك واظلم كمان

آسف يا سيد

ما ملكش غير دمعى ودعوة بظهر الغيب

إنى فى يوم أبقى جرىء وماموتش شخص جبان

» في حضرة النور صلى الله عليه و سلم
» غدا صوم عرفة بإذن الله
» كل من رآك احبك حبا صحيحا... بإذن الله
» كيف تعالج نفسك من اي مرض بإذن الله
» صورة وأية متجدد بإذن الله...