مش احنا اخوات ياولاد الاية

صدقونى انا كنت بدور ولفيت كتير

على كل النت مالقيت حاجة حلوة لأولاد اختى اجيبها معاية بس لقيت

موضوع جميل فكرنى بنفسى وانا صغيرة وكنت بالعب مع اخواتى البنات فى الحارة والبيت

ماريا وليلى وسامية والله العظيم واخوهم جورج وبطرس كمان

وكانت تيجى مرات عمى اللى ربتنى بعد وفاة امى تدور على تلاقينى نايمة فى وسطهم زى زيهم ماكان يفرق بينى وبينهم غير النوم والله

المهم ان حكيت واتكلمت كتير ماحد هيفهم قصدى اية المهم

وانا راجعة تانى ليكم عجبنى مقال فقلت اجيبة على الله تعرفوا معنى الكلام اية

ممكن تصدّقوني؟ أنا مسلم ولي أخ مسيحي في الرضاعة

ممكن تصدّقوني؟

والله أنا مسلم من سكان شبرا بس حالياً متغرب والله أنا ليا مسيحي أخويا في الرضاعة
رضع من والدتي لأن والدته كانت بتموت و كان زمان مافيش نيدو و سيرلاك والكلام ده
جدتي قالت لولدتي إن جارتنا المسيحية ولدت مولود و هي الآن في حالة صعبة جداً تكاد تموت و كانت والدتي أيضاً في نفس الفترة ولدت أخ أكبر منّي ب 12 سنه من سن أيضاً هذا المولود المسيحي و أرضعته مع أخي والحمد لله بعد فتره والدة المسيحي شُفيت تماماً و تولت هي إرضاع إبنها أنا طبعا ماحضرتش الكلام ده بس هذا الشخص المسيحي بعد ما صار أب لأولاد بعدما كبر على الإرضاع من والدتي المسلمةو إخواته وإخواتي و أمي هم اللي حكولي الموضوع
والله إن والدي ملتحي وملتزم بالدين الإسلامي جدا ولا يمكن أي وقت للصلاة يأتي وهو خارج المسجد بس مش متعصب ولا متزمد مثل البعض
زمان ولغاية دلوقتي مافيش فرق في مصر بين مسلم ومسيحي
و موقف آخر حدث قريبا حصل عندنا حالة وفاة وصادف يوم زفاف أحد المسيحيين من أولاد هذه المرأة سابقة الذكر والله ألغوا الحفل و أجلوه إلى شهرين ونقلوه من الشارع الى النادي تعرفوا قالوا لأهل العروسة ايه؟ قالولهم إن خالتنا اتوفت وهانأجل الفرح.
والله أحيانا هذا الموقف مايحدث بين المسلمين وبعضهم أو المسيحيين و بعضهم بس هو ده الحب اللي احنا اتربينا عليه هو حب الجار أياً كان مسلم أو مسيحي.
والله كل الكلام ده صدق وانا من زمان بكون عايز اكتبه لما بيحصل اي مناوشات زي كده بس بقول مش هايصدّقوا و يقولوا ده كلام للتهدئة
بس المرّه دي كنت لازم أقول لأن بجد هي دي حقيقة المصريين
و أنا مستعد أنا وأهلي و الأسرة المسيحية لنقل هذا الكلام عبر أياً من وسائل الإعلام.
كلمة للمتعصبين :
إذا كنت مسلم أو مسيحي متعصب فأنت غير مصري وغير ملتزم بتعاليم دينك لأن كل دين من هذه الأديان بريء مما تفعلون
و يا أخي امشي على الآية التي قال الله فيها
لكم دينكم ولي دين.

صدق الله العظيم

المصدر: sono egiziano

وانا احلف بالله انة صادق علشان مريت وشوفت كتير

ام محمد جارتنا كانت عيانة ومابترضعش بنتها وماكنشى فى احد فى البيت يقدر يرضع الطفلة الا ام جرجس

علشان الاطفال فى سن واحد والله

فاصبح الاتنين اخوات فى الرضاعة

ومش عيب ولا حرام ولا اية ياجماعة

ماهو انا مرضعة ماريا مع محمود ابنى يبقى عيب ولا حرام

ش احسن من اللبن اللى مانعرف هو جى من انهى مصيبة

اللى يعى ويموت ويجيب كمان السلطان

دة حرام والله حرام ياولاد اختى مسلم ومسيحى اخوات

وطن واحد وغيرة على اولاد حارتنا مش هى دى الشهامة والرجولة ولالالالالا

اية ياولاد الاية

و الله يا خالتي عندك حق

مفيش فرق خالص بين مسلم و مسيحي و عمرنا ما اتعاملنا مع بعض علي هذا الاساس

و اللي بيحصل حوالينا دا سببه من بره مصر من برانا يا جماعة

دي ايد خفية بتحاول تعمل فتنة علي شان نضعف فيبقي سهل عليهم تدميرنا

مش حصل من فترة قتل مروة الشربيني

المسلمين مقالوش ليه انه حادث مقصود و حرب مع المسلمين ؟؟؟؟؟؟؟؟؟؟؟؟؟

طيب حد فاكر الشاب المصري اللي اتقتل في لبنان و اتمثل بجثته !!!!!!!!

محدش قال كذا كذا ليه ؟؟؟؟؟؟؟؟

لاننا كلنا عارفين ان ده سببه ارهاب خارجي

حتي لو اللي عمل الفعل دا عمله وهو بيقول انا عملته علي شان كذا

بيبقي كداب

لأنه عمره ما يكون ملتزم بتعاليم دينه و يأذي غيره

لأن كل من الاسلام و المسيحية قائمين علي حسن التعامل مع الغير و عدم الاضرار به

يا ريت يا مصريين تعرفوا مين هو عدوكم بجد بدل ما احنا بنحارب بعضينا و اللي كسبان من الحرب دي مش مسلم و مش مسيحي لأ

اللي هيكسب هو عدونا

ياريت تفهموني

و تفهوا الملعوب

و نقف كلنا في وجه عدونا بدل ما احنا بنكسر في بعض

لا لا لا

لن ينبث منى حرفا ولا كلمة ولاكن من السنه وكلام رسول الله

لانى مصرى قبل مااكون

- إذا فتحت مصر فاستوصوا بالقبط خيرا فإن لهم دما ورحما وفي رواية إن لهم ذمة يعني أن أم إسماعيل كانت منهم

الراوي: كعب بن مالك المحدث: الهيثمي - المصدر: مجمع الزوائد - الصفحة أو الرقم: 10/66

خلاصة حكم المحدث: [روي] بإسنادين ورجال أحدهما رجال الصحيح

2 - إذا فتحت مصر فاستوصوا بالقبط خيرا ، فإن لهم ذمة و رحما

الراوي: كعب بن مالك المحدث: الألباني - المصدر: صحيح الجامع - الصفحة أو الرقم: 698

خلاصة حكم المحدث: صحيح

3 - إذا افتتحتم مصر فاستوصوا بالقبط خيرا ، فإن لهم ذمة و رحما

الراوي: كعب بن مالك المحدث: الألباني - المصدر: السلسلة الصحيحة - الصفحة أو الرقم: 1374

خلاصة حكم المحدث: صحيح على شرط الشيخين

هل هو حديث صحيح ولالالالالا

مش احنا اخوات ياولاد الاية ?view=att&th=12d58b9e99700189&attid=0

فعلا يا خالتي
جايز انا ما عيشتش الفترة الي بتتكلمي عنها ما أوعاش عليها
لكن اللي انا متأكد منه انها كانت بتسودها اخلاقيات الدين
كانت الناس بتهتم بمضمون الدين اكتر من اهتماماها بالمظاهر الوقتي
مضمون الدين اللي بيدعوا للاحترام والمحبة ونبذ العنف والتمسك بالاخلاق والاعتراف بوجود الاخر
انما من يوم ما تشبثنا بالمظاهر وتركنا الجوهر ضاع مننا المظهر والجوهر
ضاع مننا جوهر الدين فانقلبنا من الاعتراف بالاخر الى نبذ لاخر تحت مسمى التمسك بمبادئ الدين
اللجوء للعنف تحت مسى الانتصار للدين

وبجد انا مش لاقي ابلغ من مقولة للكاتب أحمد رجب بتقول :
متى يتحول التدين الظاهرى إلى إيمان حقيقى فى القلب، زمان لم تكن هناك قنوات وبرامج دينية، ومع ذلك كنا نحرص على القيم الدينية والأخلاقية، ولم نعرف أبداً الاختلاف فى الدين، وكان موت جارٍ أيا كانت ديانته تصمت معه أغانى الراديو فى الشارع، ولأن الدين غير حقيقى فى زمن الجرعات الدينية والمتطرفة، فقد أسفرت النتيجة على عن رواج الكذب والنفاق، وان...حطاط سلوك الشارع والتعصب أصبحت معاشرة للناس كلها متاعب، واقتصر النشاط على إشعال الخلافات بين السنى والشيعى والمسلم والمسيحى، ووكسة كبرى لوطن عاش أهله آلاف السنين فى حب وسلام

جزاكم الله خيرا
موضوع جيد بارك الله لك

» ياولاد حارتنا الحلوين ( عيد ميلاد مييييييييييييين )
» لسة احنا هنا فى مدينة ....جدة
» معلش احنا بنتبهدل... اوعى حد يفهمنى صح
» قصيدة حب لمصر من فيلم احنا بتوع الاتوبيس
» فى بعض الناس اذا زارهم شخص قالو له( احنا زرنا النبى )