منتدى اولاد حارتنا
طرائف الانتخابات 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا

او التسجيل ان لم تكن عضو وترغب في الانضمام الي اسرة الحارة

سنتشرف بتسجيلك

شكرا طرائف الانتخابات 829894
طرائف الانتخابات 15761575160515761577
مراقبة الحارة
طرائف الانتخابات 103798


منتدى اولاد حارتنا
طرائف الانتخابات 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا

او التسجيل ان لم تكن عضو وترغب في الانضمام الي اسرة الحارة

سنتشرف بتسجيلك

شكرا طرائف الانتخابات 829894
طرائف الانتخابات 15761575160515761577
مراقبة الحارة
طرائف الانتخابات 103798


منتدى اولاد حارتنا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


أجتمــــــــــــــــــــــاعى شــــــــــامل - دينى - ثقافى - علمى - نصائح
 
الرئيسيةالتسجيلدخول
أولاد حارتنا ترحب باى حوارجى وتدعوهم على قهوة حارتنا لشرب المشاريب وتدعوهم لسماع درس التاريخ من أستاذ فطين مدرس التاريخ ومشاهدة احدث الأفلام وكمان تحميل الالعاب وبرامج للموبيل وتسمع حكاوى خالتى بامبة  وتتفرج على صور استوديو عمى أنس وتسمع من ميشو على احلى المغامرات

 

 طرائف الانتخابات

اذهب الى الأسفل 
2 مشترك
كاتب الموضوعرسالة
ياسر محمود
عضو / ة
عضو / ة
ياسر محمود


الساعة الأن :
الجنس : ذكر
عدد المساهمات : 561
نقاط : 1569
السٌّمعَة : 0
تاريخ التسجيل : 28/08/2010
العمر : 52

طرائف الانتخابات Empty
مُساهمةموضوع: طرائف الانتخابات   طرائف الانتخابات Icon_minitime1الإثنين 29 نوفمبر 2010, 10:04 am

طرائف الانتخابات



بصراحة أنا اليومين دول مرارتى مفقووووووووووووووعة من الانتخابات

و فى كل الفقعة اللى أنا فيها دى جتنى فكرة الموضوع اللى هرغى فيه ده

عشان أنا ممكن يجرالى حاجة

أنا الحمد لله فى مدينتنا من ساعة ما رياح الانتخابات هلت علينا

و البلد كلها كلها كلها اتغطت بمصدات للرياح بلافتات للمرشحين المختلفيبن

المرشح من دول عاملة يجى 1000 لافتة مصورة و غير مصورة و مختلفة الأحجام و الأشكال و الألوان

و الظاهر ان المرشح من دول بيبقى مش مصدق نفسه انه اترشح و تلاقيه متصور 100 صورة

و بيحطهم كلهم جنب بعض جنب بعض

مرة واقف و مرة قاعد

مرة بيضحك و مرة بيكشر

مرة يجيب صورة حجم طبيعى و مرة حجم صغير

لا حول و لا قوة الا بالله بصراحة لدرجة انى و أنا ماشية فى الشارع

بقيت بتخيل انه حاطط مراية بتعكس نفس الصورة اللى فى الجهة التانية

و الدنيا مليان يفط يفط يفط و الله أنا خايفة انه بمجرد انتهاء الانتخابات

البلد هتهب عليها عواصف شديدة هتقلع الأبيض و اليابس

ههههههههههههههه

نيجى بقه للموضوع التانى

الستات أه من الستااااااااااااااااااااااااااااات

الست مرشحة للانتخابات و كل ست من دول ضامنة

انها ناجحة طبعاً من ضمن كوسة الستات ... قصدى كوتة المرأة

و تلاقى الست من دول متصورة و لا كأنها بتعلن عن رقاصة ايه البلاوى دى

و الله حاجة فظيعة كأننا فى هوليود و لا حاجة و المصيبة انها مش بتكون محجبة

لا ضاربة شعرها فى الخلاط و شدة حواجبها شدة .. أستغفر الله العظيم ياربى

و كأنها بتعلن انها داخلة تمثل فيلم و لا بتعرض نفسها و تقولك مشاكل الشعب و السادة المواطنين

طيب ياريت سيادتها تعرفنا بالظبط أنهى مواطنين اللى تقصدهم

طب احنا عندنا وزيرة معروفة من بورسعيد مترشحة و تلاقى فى الشارع صورتها قصاد مرشحة تانية

من خلفاء فيفى عبده كده سيدة قانون و دى عجوزة و دى لسه بتتصابى و تشوفوا بقه

الشئ و نقيضه قصاد بعض و لا الكبيرة محترمة نفسها و لا حتى الصغيرة

ربنا يستر علينا و الله

نيجى بقه للطرفة التالتة

أخت مرشحة للانتخابات جارتها و حبيبتها و صحبتها بقه عاوزة تؤازرها فى الانتخابات تعملها لافتة

تقولها نؤيد المرشحة فلانية الفلانية من أختك الحاجة فلانة

من جارتك الحاجة علانة

من حبيبتك الحاجة ترتانة

هههههههههههههههههههههه

و الله حاجة تضحك

الطرفة بقه الرابعة

تدخلى الجامع من دول انتى و لا أخوكى و لا باباكى و لا جوزك

و تخرجى من الجامع بعد ما صليتى تلاقى قووووووووووووووووم من البشر

و كل واحد فيهم يقولك أخوكى فلانى الفلانى و سلامات و طيبون مرشح فى الانتخابات ياريت تؤازروه

و كأن سبحان الله بعد كام يوم ما ينجح هتبقى أصلا مش لاقياه ترمى عليه السلام

عجايب و الله

الطرفة بقه الخامسة

و قعدت أضحك عليها كتير دى بقه

فى السوق و انتى ماشية فى أمان الله هتحسى احساس رهيب بالوطنية و مصر مصر تحيا مصر

فى عز الظهر و أنا ماشية فى السوق حسيت بانتفاضة ثورة 19 و انى هروح أقابل الزعيم سعد زغلول

ليييييييييييييييييه

لقيت واحد من المرشحين الأفاضل عامل زى كشك صغير كده الكشك ده بقه يحتوى على كل ما قل

و دل صور للمرشح و كاسيت كبير و مختلف الأغانى الوطنية و القومية من كل العصور و كل المطربين

الطرفة بقه السادسة

المرشح من دول عامل كروت صغيرة كده فى الوش صورته

و فى الظهر بقه عامل حساب أى حد يمسك الصورة دى

مرة يحط نتيجة العام الجديد

و مرة يحط جدول الدورى

و مرة يحط أية قرأنية يعنى مش عاااااااااااااااتق

ناقص يعمل وصفة الغدا لكل يوم

الطرفة السابعة

تبقى قاعدة فى أمانة الله تلاقى موبايلك بيرن رسالة

تفرحى و تقولى ياااااااااااااه مين افتكرنى

تفتحتى تلاقى رسالة نصها كالتالى

المرشخ فلان الفلانى يهنئكم بقدوم عيد الأضحى
أو
المرشح فلان الفلانى يعلمكم أن موعد صلاة العيد الساعة كذا
أو
بنت بورسعيد البارة فلانة الفلانية ترجو منكم الوقوف بجانبها

فى تخطى الانتخابات ابنتكم فلانة

طب أنا لسه أنسة معنديش بنات

و يبقى ناقص المرشح من دول يزللك و يعيط عند رجليك انك تنتخبه

مع ان أصلا مش معاك بطاقة انتخابية

المصيبة بقه ان كل واحد من دول مكتوب على الدعاية بتاعتة

ابن بورسعيد البار المهموم بمشاكل الوطن ( أصلى من بورسعيد )

و سبحان الله الأبناء البررة دول

تلاقى 75% منهم رجال أعمال

و كل الناس نازلة انتخابات كله كله كله

أومال مين اللى هينتخب يا جماعة ؟؟؟

حاجة عجيبة و الله

عارفين مين أكتر ناس استفادت من الانتخابات دى

المصوراتية

الخطاطين

بتوع القماش

و طبعاً مكاتب الديزاينرز

و أهى أرزاق بيقسمها الخلاق

و الله المرشحين بقوا أكتر من المنتخبين و كلهم مرشحين مرشحين مرشحين

يعنى على أخر الانتخابات هيترقوا و يبقوا فلاتر
الرجوع الى أعلى الصفحة اذهب الى الأسفل
أحمد المنوفى
التنقيذى
التنقيذى
أحمد المنوفى


الساعة الأن :
الجنس : ذكر
عدد المساهمات : 736
نقاط : 755
السٌّمعَة : 0
تاريخ التسجيل : 19/09/2010
العمر : 33

طرائف الانتخابات Empty
مُساهمةموضوع: رد: طرائف الانتخابات   طرائف الانتخابات Icon_minitime1الإثنين 29 نوفمبر 2010, 5:43 pm

يعنى على أخر الانتخابات هيترقوا و يبقوا فلاتر

ههههههههههههههههههههههههههههههههههههه

دي احلي حاجة

جامدة جدا الجملة دي

ههههههههههههههههههههههههههههههههههههههههههههههه




من أحب الله رأى كل شيء جميل

ارب اذا اعطيتني مالا فلا تاخذ سعادتي ..
وإذا أعطيتني قوةً لا تأخذ عقلي ..
وإذا أعطيتني نجاحاً لا تأخذ تواضعي ..
وإذا أعطيتني تواضعاً لا تأخذ اعتزازي بكرامتي ..


طرائف الانتخابات Post-45837-1218411907%5B1%5D

طرائف الانتخابات 4879
الرجوع الى أعلى الصفحة اذهب الى الأسفل
 
طرائف الانتخابات
الرجوع الى أعلى الصفحة 
صفحة 1 من اصل 1
 مواضيع مماثلة
-
» مفارقات بين الانتخابات ديانة وسياسة
» «صباحي» يعلن انسحابه من الانتخابات احتجاجاً على «التزوير»
» اعمال عنف وشكاوى من مخالفات في الانتخابات التشريعية المصرية
» قانون الانتخابات الجديد.. بالقوائم المفتوحة
» تدريب العاملين المدنيين على المشاركة في إدارة الانتخابات

صلاحيات هذا المنتدى:لاتستطيع الرد على المواضيع في هذا المنتدى
منتدى اولاد حارتنا :: الأرشبف-
انتقل الى:  
تصحيح أحاديث وأقوال مأثورة لشيوخ اولاد حارتنا


بحث عن:

مع تحيات أسرة اولاد حارتنـــــــــــــــــا
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية reddit  تسجيل صفحاتك المفضلة في مواقع خارجية google      

قم بحفض و مشاطرة الرابط منتدى اولاد حارتنا على موقع حفض الصفحات

قم بحفض و مشاطرة الرابط منتدى اولاد حارتنا على موقع حفض الصفحات