قصيدة مهداة للثورة السورية

قصيدة مهداة للثورة السورية



شد الهمة .. وشد الحيل

وارفع راسك بالعالي ،،

ياسوري .. ياسراج الليل

دمك لو يرخص غااالي ،،

إزأر باعلى صوت .. وقول

عن هالثورة سلمية ،،

طول بعرض .. وعرض بطول

ما بدنا الحرامية ،،

والحق ركب أهل درعا

فرسان الليل الشجعان ،،

لا تتأخر .. وبسرعة

وقف في وسط الميدااان ،،

وين الشجعان .. أهل الشااام

وين أبطالك يا رنكوس ،،

سوريااا مليانة زلااام

متل أهل درعا وطرطوس ،،

سوريااا .. الله حاميها

زلم الرقة ودير الزور ،،

زلم الأرض .. بتحميها

بالعتمة وبعز النور ،،

والزلم بسوريا .. كتااار

وان شبت بالدار النار

عنوز قبالك تضرب ضرب ،،

وعقيدان .. ان جد الجد

وجبور .. وطي .. وفدعان ،،

ما إلهم عد .. ولا حد

بوقت الحرب يجنوا جنااان ،،

لكن فيهم .. طولة بااال

لا تأمنهم يا ظالم ،،

لا تغرك ميلة .. العقال

النايم منهم واالم ،،

يا حيف .. والله يااا حيف

عا هالأمة العربية ،،

ما بيشوفوا شلون .. وكيف

دكتنا المدفعية ،،

شفتوا جيش بيقتل .. شعب ؟!!

أعزل .. والحاكم شايف ؟!!

بيضحك .. ومفكرها لعب

من الله مالو خااايف !!

شوفواااا شو صار بحماه

وشوفوااا شو صار بدرعا ،،

الله من عالي سماااه

شاف الجرحى .. والصرعا ،،

شوفوا الشهدا .. اللي بدوما

وشوفوا شو صار ب بانياس ،،

شوفوا الدم .. ب باب توما

على مرأى من كل الناس ،،

والله .. ما يروحوا هدر

فيهم مقدر للتار ،،

هيك يجاوبنا .. القدر

نمحي الذل ونمحي العار ،،

والحراير .. إلهم تار

برقاب أهل الحمية ،،

صغار بتاخد تار كبااار

والدم ما بيصير ميه ،،

هدم بهدم .. ودم بدم

وعين بعين .. وسن بسن ،،

شعب الشااام .. بيتقدم

شبوبية وكبار السن ،،

والغايب والله عنا

من الفرسان الحلبية ،،

لو ينخا واحد منا

يلقانا حدو مية ،،

يلقى رجااال .. بملقى رجااال

شبوبية وختيارية ،،

ما بنخاف من الآجااال

كرمااالك .. يا حرية

ما بنخاف من الآجااال .. كرمالك يا حرية

وفق الله الجميع لما يحب ويرضى والله أعلم وصلى الله على نبينا محمد وعلى آله وصبحه أجمعين
ودمتم بخيـــــــــــر

Maher Attoun

سبحان الله وبحمده .. عدد خلقه .. ورضى نفسه .. وزنة عرشه .. ومداد كلماته

مع خالص .. تحياتي لكم.. ودمتم بألف خير.. ماهرعطون


هو قلمــــي
يكتب ما يريد,,,يعبر عن رأييي
وضعت له خطوطا حمراء لا يتجاوزها
ليس لأي كان سلطه عليه
ليس المهم ان يرضى الناس
الأهم أن يرضى ضميــــري
النفس تجزع أن تكون فقيرة... والفقر خير من غنى يطغيها
وغنى النفوس هو الكفاف فان أبت.. فجميع مافى الارض لا يكفيها
ودمتم بخيـــــــــــر
Maher Attoun