ما هي شهادات التطعيمات الخاصة بالكلب ؟

اسئلة مهمة
ما هي شهادات التطعيمات الخاصة بالكلب ؟
واذ حبيت تضع عرض للبيع يجب ان يشمل علي هذه الشهادات والرخصة كي يزيد من قيمة موضوعك وكل كلب له شهادات وله ترخيص تكون مكانته مرتفعة ويزداد من قيمته وغير كده وكده التطعميات دي طبعا بتقي وتحمي كلبك من الكثير من الامراض الذي يشتكي منها الكثير من المربين

اي حد عنده اي استفسار او تساؤل بخصوص التطعيمات و التحصينات الخاصه بالكلب بتاعه ان شاء الله

يلاقيه في الموضوع ده

في بداية الموضوع الكل هيكون عنده سؤال نفسه يلاقي ليه اجابة

هو انا لازم اطعم الكلب بتاعي ؟
طبعا الاجابه نعم لاننا لازم نطعم الكلاب بتاعتنا و بشكل منتظم و في المواعيد المحدده حرصاً علي سلامتها و سلامتنا احنا كمان حتي لو الكلب مبيخرجش من البيت نهائي لان في امراض بتنتقل بين الكلاب من مسافه تصل الي 2 كم ولا تنسوا ان المحيط الخارجي والجو واحد من اهم العوامل التي تجلب الامراض ....

نبداء بانواع و مواعيد التطعيمات :
(1) بياخد الكلب تطعيم يسمي الثماني اول لما يتم 45 يوم
وده ضروري جداااااَ لانه بيحمي الكلب من 8 امراض مره واحده ومنها الدستمبرالي الكل بيخاف منه و بيبقي ثمن الحقنه ديه في حدود 61:70 جنيه وثمن الجمله في حدود 50 جنيه ) و ممكن اكتب لكم منين تجيب الجملة لو حد عايز ) و ده طبعاً بيختلف من مكان لمكان
(2) التطعيم الثاني بيبقي بعد مرور 21 يوم من الحقنه اللي فاتت الثماني
ودي جرعه تنشيطيه برده ثماني عشان يبقي كده حصنا الكلب بتاعنا كويس جداً من امراض كتيره بعض الناس تقول مش لازم ياخد الجرعه التنشيطيه ديه ...
ديه مصاريف علي الفاضي ...... بس طبعاً يا جماعه الكلام ده غلط
و الجرعه التانيه مهمه جداً جداً
(3) اما بالنسبة لثالث تطعيم بقي و ده الاخير في سن من ( 4 : 6 ) شهور
بيبقي تطعيم للكلب ضد مرض السعار و ده تطعيم مهم جداو سعره في حدود 45 جنيه لانه بيحمي كلبك في حاله انه اتعض من كلب اخر غريب ....و كمان بيحميك انت كمان لان هناك اناس كتيره اوي لا تعرف ان السعار من الامراض المشتركه بين الكلاب و الانسان

يعني لو حضرتك اتعضيت من كلب مسعور انت ايضا سوف ينتقل اليك مرض السعارلانه بيبقي محمول في لعاب الكلب و بينتشر في دمك الي ان يصل للمخ و تبدأ الاعراض تظهر و طبعاً لو ملحقتش نفسك لا قدر الله بيؤدي للوفاه
بس احب اقولك ان قبل الوفاة بيحصل ليك حاجات كتيره اوي ليك بتعملها
بتعض ناس كتير بدون رحمة بجد
و بمجرد تطعيم الكلب ضد مرض السعار يتيح لك انك ترخص الكلب

*الترخيص :
عباره عن حلقه معدنيه بتعلقها في طوق الكلب بتستلمها من مديريه الطب البيطري بمجرد انك توريهم انك مطعم الكلب بتاعك ضد السعار و بتدفع رسوم بسيطه

و فائده الترخيص ده بقي كذا حاجه :

(1) لو الكلب بتاعك عض حد غريب ميبقاش فيه مشكله او خطر قانوني عليك بأي شكل

(2) لو اي حد قتل الكلب بتاعك باي شكل حتي لو كانت دوريات الشرطه بتاعة الكلاب اللي بتمشي تقتل في الكلاب ديه ..بيبقي من حقك انك ترفع قضيه عليهم و تطالب بتعويض

» مجموعه من الفتاوي الخاصة بذوي الإحتياجات الخاصة و المكفوفين
» شهادات الزمالة
» شهادات الإيداع الدولية
» صانع شهادات التقدير
» شهادات أسهم بـ 8 بلايين ريال تبحث عن 380 ألف مالك