كيف تعرف المصري؟

في أحد المنتديات طرح أحدهم مشاركة بعنوان كيف تعرف المصري، وجاءت عشرات الردود، وإليكم بعض ما اعجبني منها:

1. لو سالت سواق تاكس على عنوان وبدل ما يدلك قالك امشي ورايا.. يبقى مصري.. (وعلى فكرة ساعات بيغير اتجاهه عشان عنده رغبة صادقة يوصلك وخايف تتوه)

2. لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

3. إذا سمعته بعد أن يضحك يقول " خير اللهم إجعله خير " .. فتأكد أنه مصري ...

4. لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري ...

5. لما تقابل واحد علامة وعمره مايقول "ما أعرفش!" جينيوس مصري

6. لما تنزل تلاقي واحد ساند على عربيتك واول ما يشوفك يضحك ويقولك لموأخذه يا باشا

7. لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

8. . و لما ركبة تخبط فى بعضها من الرعب و هو داخل القسم يعمل بطاقة الرقم القومى ........................ هو ده ال ,,,,,,,,,

9. و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض ........................ هم دول المصريين

10. لما تلاقي ناس بنقضي العيد فى المقابر مع حبيبهم ال ماتوا يبقي أكيد في مصر

11. لما تلاقي سيدة في الرايحة والجاية عماله تدعي لأولادها ... تبقى دي أم مصرية وطموحتها وأحلامها الشخصية فى الحياة إن ولادها يبقوا مبسوطين

12. لو شفت واحد وقف فجأة و هو ماشى فى الشارع و مد ايده على حتة عيش مرمية على الأرض وقام رافعها لراسه قبل مايحطها جنب الرصيف... يبقى الواحد (او الواحدة) ده مصرى.

13. لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

14. لو اديت لواحد فلوس وبدأ يعدها بصوت عالي وبدأ بقوله الله واحد .. ومع الورقة الثانية : مالوش تاني، ومع الورقة الثالثة: العدد ثلاثة .. يبقي أكيد مصري ابن مصري

15. لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

16. لما تيجي تدفع الأجرة لواحد أول مرة تعرفه، يحلف عليك تخلي بأه

17. لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة

18. لام تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

19. لام تلاقي ابن بيقول على والده لما ييسلم على والده ويقول له يا حاج