امتحان اللغة العربية عام 2090

أولا التعبير: أكتب ما لا يقل عن تلاتين ألف صفحة في أحد المضوعين الاتيين ,,,,,

1- تشهد بلدنا الغاليه نهضة كبيرة في مجال البناء و التعمير بعد وصول سعر طن الحديد إلى نص مليون جنيه. أكتب ما يمليه عليك ضميرك على أن يبدأ موضوعك بجملة "أنا بشتغل في حديد عز".

2- فقدت مصر رجلا من أغلى الرجال , رجلا من أوفى الرجال , رجلا من أخلص الرجال , هو الزعيم الراحل "جاد شويري". أكتب أهم إنجازات الزعيم الراحل جاد مستعينا بكليب "أنا هعمل اللي في راسي".

ــــــــــــــــــــــــــــــــــــــــــــــــــ ـــــــــــــــــــــــــ

ثانيا القصة: من قصة "على الطلاق ما إنت داخل الانتخابات" , إقراء الفقرة التالية ثم أجب على الاسئلة ,,,,

"ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة علشان تكسب , روح ربي عيالك أحسنلك ....."

1- ما المقصود بكلمة معجزة في النص (تغيير وزاري - تغيير دستوري - بلاش أحسنلك"
2- لماذا ضربه الرجل بالجزمة تحديدا و لم يستخدم أي اداة اخرى ؟
3- ضع نهاية مناسبة لهذا المعفن في الفقرة السابقة. خد بالك الورق متراقب

ــــــــــــــــــــــــــــــــــــــــــــــــــ ــــــــــــــــــــــــ

ثالثا القراءة: من موضوع "تحرير مارينا"

نجحت قواتنا المسلحة في عبور الساحل الشمالى على طول المواجهة وتم الاستيلاء على البوابة الاولى لقرية مارينا الغاليه وتواصل قواتنا حالياً قتالها مع العدو بنجاح ـ كما قامت قواتنا البحرية بحماية الجانب الأيسر لقواتنا على قرية بدر وقد قامت بضرب الأهداف الهامة للعدو على المسرح الروماني وإصابتها إصابات مباشرة

1- أذكر عدد البوابات الاساسية بمارينا.
2- ما هو أسهل طريق للمسرح الروماني.
3- أذكر عدد الحفلات التي قام بها الفنان الراحل نجم الجيل على المسرح الروماني.
4- يبلغ عدد المصلين في مارينا (صفر - واحد - سبعة)
5- بما تفسر: وجود شابه لابسة بنطلون في مارينا.(معجزة طبعا)

ــــــــــــــــــــــــــــــــــــــــــــــــــ ــــــــــــــــــــــــ

رابعا البلاغة: من أغنية "إديني قلبك" للعندليب المخطط "عبد الباسط حموده", أجب على الاتي ,,,

1- أكتب الاغنية كاملة مع الحفاظ على اللحن ووضع فكرة جديدة للكليب.
2- إستخرج من الاغنيه جناس ناقص , توكيد لفظي , خروج عن النص , نشاذ متعدد.
3- إستطاع العندليب المخطط أن يغير مفهوم الحب لدى الشباب , إثبت هذا من خلال ألبوم "أنا مش عارفني"

ــــــــــــــــــــــــــــــــــــــــــــــــــ ـــــــــــــــــــــــ

خامسا النحو : تم إلغاؤه لدواعى أمنيه.

إمتحان اللغة العربية للثانويه العامه

ان شاء الله النهاردة معانا قاموس الكلمات الشبابيه الجديدة اوي

نبدا على طول

بيس: كل حاجة تمام واحنا كويسين اوي

اشتة: مشتقة من الاكلة المعروفة القشدة ومعناها انا فرحان اوي (الجمع اشتات )

ابجني: اديني فلوسي

الحوار مات: يعني الخناقة خلصت وكل واحد يشوف حاله
فكك مني: ابعد عني يا عم انا مخنوق منك ومن اللي *****

عيب عليك: يا عم ابعد انا هعرف اتعامل

عايز حاجة: كناية عن ابعد خلاص انا زهقت من الحوار

كفتة:يعني بالحظ وكلمة المرادف لها (كوسة)

ياريت الموضوع يعجبكو
بالتوفيق